Sveitahótel
Á sveitahótelinu eru 18 herbergi.
Fimm herbergi á jarðhæð og tíu herbergi á efri hæð, þrjú herbergi eru í sér húsi út frá efri hæð
Herbergin á annari hæð eru öll með útsýni úr hverjum glugga og herbergin á fyrstu hæð hafa öll sér pall.
Herbergin hafa öll sama útbúnað:
– Sér inngangur
– Snyrting með sturtu
– Hárþurrka og sléttujárn
– Sloppar
– Inniskór
– Sjónvarp
Smáhýsi
Við bjóðum upp á tvö 15 fm. smáhýsi. Smáhýsin eru útbúin með hjónarúmi 140 x 200 cm, sér snyrtingu, sjónvarpi og eldhúskrók. Gistirými fyrir 2 manneskjur.
Einnig bjóðum við upp á eitt 25 fm. smáhýsi sem er útbúið með hjónarúmi 140 x 200 cm með koju yfir 80 x 190 cm ásamt einu einstaklingsrúmi 90 x 200 cm og svefnsófa 110 x 190 cm. Sér snyrting og sturta, eldhúskrókur og sjónvarp er í húsinu. Gistirými fyrir allt að 5 manns.
Aðstaðan
Hraunsnef
Fyrir þá sem hafa gaman af fjallgöngum þá er hægt að ganga upp á Hraunsnefsöxl. Upp fjallið eru rauðar stangir sem er búið að setja niður með 10 metra á milli. Gangan tekur sirka 3 – 4 klukkutíma. Þegar veðrið er upp á sitt besta er útsýnið frá toppnum stórfenglegt og jafnvel hægt að sjá til Langjökuls þaðan. Endilega spyrjið starfsfólkið í móttökunni ef frekari spurningar vakna.
Skoðunarferðir um dýraríkið
Á Hraunsnefi eru alls konar dýr á ferðinni. Þau eru öll vinaleg og finnst gott að láta klappa sér. Þau geta verið mikið á vappinu og kemur það ekki á óvart ef þau koma að heilsa fyrir utan hótel herbergið eða veitingarstaðinn. Á bænum höfum við kýr, svín, kindur, hænur og ketti. Við tökum stolt á móti lömbum frá nágrönnum okkar í sveitinni, sem hafa misst mæður sínar og sinnum þeim.
Heitir pottar
Á staðnum erum við með tvo heita potta sem hægt er að nota hvenær sem er sólarhringsins. Vatnið í pottunum er náttúru vatn sem kemur af fjöllunum. Eftir langt ferðalag er um að gera að kíkja í pottinn og slaka aðeins á. Hjá pottunum eru ljós með skynjara svo ljósin slökkni sjálfkrafa og auðveldara sé að sjá norðurljósin ef þau eru til staðar. Sloppar eru í baðherbergjunum og hægt er að fá inniskó í móttökunni.
Eldstæði
Eldstæðið er arin undir þaki varinn með grjót veggjum. Á köldu vetrarkvöldi mælum við með að setjast inn við arin og hlýja sér við heitann eldinn. Þar eru bekkir og teppi sem hægt er að nota og slaka á með góða drykki og félagsskap. Við reynum að halda eldinum uppi öll kvöld ef veður leyfir.